Lleoliad yr Eisteddfod           Y Fenni

Prif Ddigwyddiadau Hanesyddol

• 439 o ddynion a bechgyn yn cael eu lladd yn nhrychineb glofa Universal, Senghenydd.
• Cynnyrch glo yn cyrraedd uchafswm yn y De o 56.8 miliwn tunnell gan 233,000 o lowyr mewn 620 o lofeydd.
• Yn y gogledd cynhyrchwyd 3.5 miliwn tunnell gan 15,900 o lowyr mewn 34 pwll.
• Ymgyrch y swffragetiaid yn dwysáu; Sylvia Pankhurst yn ymprydio, Emmeline Pankhurst yn cael ei chyhuddo o ymosod â bom ar gartref Lloyd George ac Emily Wilding Davison yn cael ei lladd wedi iddi ei thaflu ei hun dan draed ceffyl y Brenin yn y Derby.
• Arolwg yn dangos fod un o bob deuddeg o blant ysgolion cynradd Prydain yn dioddef o afiechyd a diffygion lluniaeth. O chwe miliwn o blant yn yr arolwg 'roedd angen triniaeth ddeintyddol ar eu hanner. 'Roedd un o bob deg â phroblemau difrifol gyda'u llygaid, dau o bob cant yn dioddef problemau gyda'r galon ac un o bob cant â'r diciâu a tharwden.
• Arestiwyd menyw yn Richmond Park am wisgo sgert â hollt ynddi.
• John Morris-Jones yn cyhoeddi A Welsh Grammar:
  Historical and Comparative.
• Geni'r nofelydd Gwynn Thomas yn Y Porth, Cwm Rhondda.

Archdderwydd               Dyfed

Y Gadair

Testun. Awdl: 'Aelwyd y Cymro' *
Enillydd: Sarnicol
Beirniaid: Dyfed, J. J. Williams, T. Gwynn Jones