Aba ni abategetsi bakuru hafi 20 ba Iran bamaze kwicwa mu minsi 20 ishize y'intambara

Repubulika ya Kiisilam ya Iran imaze gutakaza abategetsi bayo benshi kuva Leta Zunze Ubumwe za Amerika na Israel batangira intambara na Iran mu minsi 20 ishize.

Iran yiciwe uwahoze ari Umutegetsi w'Ikirenga Ayatollah Ali Khamenei n'abandi bategetsi bakuru bayo ku munsi wa mbere, maze na yo itangira kwihorera.

Igisirikare cya Amerika ku wa kane cyatangaje ko nubwo ubutegetsi bwa Iran "bwononekaye" ariko ko "bukiri butaragara" kuko benshi mu bishwe basimbuwe.

Israel yakomeje uruhererekane rw'ubwicanyi ku bategetsi ba Iran kuva mu minsi ya mbere y'intambara, ndetse itangaza ko yishe abakuru batatu b'umutekano mu munsi umwe.

Ese kuva intambara yatangira, ni bangahe mu bakuru ba Iran bamaze kwicwa?...Uku niko impfu zabo zakurikiranye:

Ku ya 28 Gashyantare(2)

Abategetsi benshi ba Iran bishwe mu bitero byo kuwa Gatandatu, umunsi intambara yatangiye. Abishwe mu bitero byambere barimo:

Tariki ya 3 Werurwe (3)

Raporo yakusanyijwe n'ikinyamakuru Axios ivuga ko Israel yatangaje ko yishe Minisitiri w'ingabo Seyid Majid Ibn Al-Reza ku munsi wa mbere w'igitero, wagiye kuri uwo mwanya w'butegetsi ku munsi ukurikiyeho.

Kuri uwo munsi, Israel yatangaje kandi ko Reza Khazai, umwe mu basirikare bakuru ba Quds Force, w'umutwe w'ingabo zirinda impinduramatwara ya Iran (IRCG) yiciwe mu gitero cyagabwe mu murwa mukuru wa Libani, Beirut.

Tariki ya 10 Werurwe (3)

Igisirikare cya Israel cyavuze ko cyishe abategetsi batanu b'ingabo z'abaharanira impinduka bari bateraniye mu nama muri hoteli mu mujyi wa Beirut.

Igisirikare cya Israel cyavuze ko Alireza Bi-Azar na Ahmed Rasouli bari mu bishwe.

Iki gisirikare nanone cyavuze ko Majid Hassani, wari ushinzwe "gucunga imari ya Iran muri Liban" Hussein Ahmadlou na Abu Muhammad Ali, bakekwa kuba bari mu ngabo za Quds, nabo bishwe.

Ambasaderi wa Iran mu Muryango w'Abibumbye, mu ibaruwa yandikiye Umunyamabanga Mukuru wa ONU, yavuze ko abadipolomate bane baguye mu gitero cyagabwe kuri hoteli ya Ramada mu mujyi wa Beirut, nk'uko bivugwa n'ibiro ntaramakuru bya Iran - Tasnim.

Tariki 14 Werurwe (3)

Ingabo za Israel zatangaje kuri uwo munsi ko zishe Abu Dar Mohammed, uwo bavugaga ko ari umukuru w'ishami rishinzwe ibikorwa bya misile bya Hezbollah mu mutwe w'ingabo za Iran (IRCG) wari i Beirut.

Umukuru w'ingabo yavuze ko Abu Dar yagize uruhare runini mu kuvugurura gahunda ya Hezbollah yo kurasa ibisasu bya misile.

Tariki 17 Werurwe(3)

Israel yishe Ali Larijani, umunyamabanga mukuru w'inama y'igihugu ishinzwe umutekano muri Iran, yishwe mu gitero cy'indege za Israel.

Bivugwa ko Larijani, wari warigeze kuba Perezida w'Inteko Ishinga Amategeko ya Iran mu gihe cy'imyaka 12, yishwe mu gitero cyagabwe ku nzu we n'umuhungu we bari bihishemo.

Gholamreza Soleimani, umukuru w'ingabo zirinda impinduramatwara za Basij, na we yishwe mu gitero cyagabwe na Israel.

Irani yarahiye ko izahorera ry'aba bategetsi bayo b'umutekano n'igisirikare.

Tariki 18 Werurwe (3)

Minisitiri w'ingabo wa Israel witwa Israel Katz yavuze Israel yishe Minisitiri w'umutekano wa Iran, Ismail Khatib, mu gitero cyabaye nijoro.

Mu itangazo rya Katz yagize iti: "Minisitiri w'umutekano wa Iran, Ismail Khatib, yishwe mu ijoro ryo kuwa kabiri."

Urupfu rwa Khatib rushobora kutagarukira aho, kuko abategetsi ba Israel bavuze ko bazakomeza kwibasira ababakuru ba politiki n'igisirikare ba Iran.

Kwica abategetsi bakuru ba Iran biri mu bigamijwe na Israel mu gusenya ingufu z'iki gihugu, ariko abasesenguzi bavuga ko bizarushaho gukaza ubukana bw'iyi ntambara mu gihe Iran ikomeza kurahira ko igomba kwihorera.