अर्णब गोस्वामी, टाइम्स नाऊ विरोधात बॉलिवुड एकवटलं; सलमान, शाहरुख आणि 36 निर्मात्यांची हायकोर्टात धाव

रिपब्लिक टीव्ही, अर्णब गोस्वामी, प्रदीप भंडारी, टाइम्स नाऊ, राहुल शिवशंकर, नाविका कुमार तसेच सोशल मीडियावर बेजबाबदारपणे बदनामीकारक माहिती पसरवणाऱ्यांविरोधात बॉलीवूडमधील 4 निर्मात्यांनी दिल्ली उच्च न्यायालयात तक्रार दाखल केली आहे.

बॉलीवूड संबंधित लोकांच्या खासगी आयुष्यात ढवळाढवळ करुन मीडिया ट्रायल्स थांबवाव्यात अशी विनंती त्यात करण्यात आली आहे. ज्या लोकांविरोधात तक्रार करण्यात आली आहे त्यांना केबल टेलिव्हिजन नेटवर्क्स नियम, 1994 हा कायदा लागू होतो. त्यांनी जो बदनामीकारक मजकूर प्रसिद्ध केला आहे तो काढून टाकावा असं म्हटलं आहे.

बॉलीवूड गलिच्छ आहे, तेथे घोटाळे होतात, ते नशा करतात, बॉलीवूडमधली घाण साफ करण्याची गरज आहे. अरेबियातली सगळी अत्तरं ओतली तरी बॉलीवूडमधली घाण आणि दुर्गंधी साफ होणार नाही, भारतातली ही सर्वांत घाणेरडी इंडस्ट्री आहे? कोकेन आणि एलएसडीमध्ये बॉलीवूड बुडालं आहे... अशा प्रकारची वक्तव्यं या माध्यमांतून झाल्यानंतर हे पाऊल उचलण्यात आले आहे.

या तक्रारदार लोकांमध्ये बहुतांश प्रसिद्ध लोकांची नावं दिसून येतात

डीएसके लिगल कंपनीने फिर्यादींतर्फे तक्रार दाखल केली आहे.

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.'बीबीसी विश्व' रोज संध्याकाळी 7 वाजता JioTV अॅप आणि यूट्यूबवर नक्की पाहा.)