ऑस्कर पुरस्कार : 'वन बॅटल आफ्टर अनादर'ने जिंकला सर्वोत्कृष्ट चित्रपटाचा पुरस्कार; पाहा विजेत्यांची संपूर्ण यादी

2026 च्या ऑस्कर पुरस्कारांचं अमेरिकेतील लॉस एंजेलिसमध्ये वितरण सुरू आहे.

'वन बॅटल आफ्टर अनादर' सिनेमानं सर्वोत्कृष्ट चित्रपटाचा ऑस्कर पुरस्कार मिळवला आहे.

हॉलिवूड अभिनेता मायकल बी. जॉर्डनला 'सिनर्स'मधील भूमिकेसाठी सर्वोत्कृष्ट अभिनेत्याचा पुरस्कार मिळाला आहे, तर 'हॅमनेट' सिनेमात शेक्सपिअरची पत्नी अ‍ॅग्नेस शेक्सपिअरची भूमिका साकारणारी जेसी बकलेला सर्वोत्कृष्ट अभिनेत्रीचा ऑस्कर पुरस्कार मिळाला आहे.

हॉलिवूडमधील महत्त्वाच्या दिग्दर्शकांपैकी पॉल थॉमस अँडरसनला 'वन बॅटल आफ्टर अनादर'ला सर्वोत्कृष्ट दिग्दर्शकाचा पुरस्कार मिळाला आहे.

सर्वोत्कृष्ट सहाय्यक कलाकाराचा पुरस्कार अभिनेते सीन पेन यांना 'वन बॅटल आफ्टर अनादर'मधील भूमिकेसाठी मिळाला आहे, तर सर्वोत्कृष्ट मूळ पटकथेसाठी रायन कुगलर यांना 'सिनर्स'साठी मिळाला आहे.

'सिनर्स'मध्ये अमेरिकेतील प्रोहिबिशन एराच्या (दारूबंदी) पार्श्वभूमीवर जुळ्या भावांची कथा आहे. श्वेत-अश्वेत संघर्ष या कथेच्या केंद्रस्थानी आहे.

सर्वोत्कृष्ट चित्रपट, सर्वोत्कृष्ट दिग्दर्शक, पटकथा लेखन, सर्वोत्कृष्ट अभिनेता, सर्वोत्कृष्ट सहायक अभिनेता आणि सहायक अभिनेत्री, सिनेमॅटोग्राफी, एडिटिंग, अशा विविध कॅटेगरीमध्ये सिनर्सला नामांकन मिळालं आहे.

आतापर्यंत जाहीर झालेल्या पुरस्करांमधील बेस्ट डॉक्युमेंटरी शॉर्टमध्ये 'ऑल द एम्प्टी रूम्स' माहितीपटाने बाजी मारलीय, तर बेस्ट डॉक्युमेंटरी फीचरमध्ये 'मिस्टर नोबडी अगेन्स्ट पुतीन'ने बाजी मारलीय.

ऑस्कर पुरस्कार जिंकणाऱ्या आणि नामांकनं मिळालेल्या कलाकृती, कलाकारांची यादी इथे खाली देत आहोत. जसजशी पुरस्कारांची घोषणा होत आहे, तशी ही यादी अपडेट होत राहील :

सर्वोत्कृष्ट चित्रपट : 'वन बॅटल आफ्टर अनादर'

'वन बॅटल आफ्टर अनादर' सिनेमानं सर्वोत्कृष्ट चित्रपटाचा ऑस्कर पुरस्कार मिळवला आहे.

नामांकनाच्या यादीत बुगोनिया, फ्रँकेन्स्टाइन, एफ-वन, हॅमनेट, मार्टी सुप्रीम, द सिक्रेट एजंट, सेंटिमेंटल व्हॅल्यू, सिनर्स आणि ट्रेन ड्रीम्स हे सिनेमेही होते. मात्र, 'वन बॅटल आफ्टर अनादर' सिनेमानं बाजी मारली.

'वन बॅटल आफ्टर अनादर' हा आताच्या काळावर भाष्य करणारा अँटी-वॉर मूव्ही आहे. विषय अत्यंत गंभीर असला तरी मांडणी कॉमेडी आहे.

युद्धाची पार्श्वभूमी असली, तरी वडील-मुलीच्या नात्यावर भाष्य करणारा हा चित्रपट आहे. त्याच बरोबर श्वेत-अश्वेत संघर्ष, वर्ग लढा या संघर्षांची किनार या चित्रपटाला आहे.

सर्वोत्कृष्ट अभिनेत्री

सर्वोत्कृष्ट अभिनेता

सर्वोत्कृष्ट दिग्दर्शक

सर्वोत्कृष्ट सहाय्यक अभिनेत्री

सर्वोत्कृष्ट सहाय्यक अभिनेता

सर्वोत्कृष्ट मूळ पटकथा

सर्वोत्कृष्ट डॉक्युमेंटरी फीचर

सर्वोत्कृष्ट डॉक्युमेंट्री शॉर्ट

(बीबीसीसाठी कलेक्टिव्ह न्यूजरूमचे प्रकाशन)