Brazil maintain dominance over Nigeria wit victory for opening group game at 2024 Olympics

Brazil win dia first match for di Women’s football event of di 2024 Paris Olympics.

Di two-time silver medallists beat Nigeria 0-1 afta Gabi Nunes score from Martha assist.

Martha bin score few minutes later but di goal no stand.

Brazil dominate Nigeria for ball possession but Nigeria hold dem for work.

Di Super Falcons bin get beta chances wey Captain Rasheedat Ajibade create but she no get di needed support upfront.

Dis na di second time wey Brazil women go defeat di Super Falcons for Olympic Games. For 2008, dem also beat Nigeria 3-1.

Nigeria go need pick demsef up and go again on Sunday wen dem go face off against current Women World Cup holders, Spain.

Brazil on di oda hand go try to qualify for di next round as dem go play Japan for dia second group game on di same day.

Match Highlights

Second Half

Full time Nigeria 0-1 Brazil

90+8 Referee blow whistle, match don end.

90+7 Last chance for Nigeria to get something out of dis match, Ajibade make goal bound move but dem bring her down.

90+7 Nigeria hold ball for di remaining few seconds. Dem still dey find goal.

90+5 Rasheedat Ajibade play di corner but Brazil defence clear di ball.

90+3 Injury for Brazil player wey take treatment for pitch, dem don finally remove Portilho from field.

90+ 2 Nigeria hold possession of di ball dey try break into di Brazil Defence, corner kick for Nigeria.

90’ Referee add 6 minutes.

88’ Corner kick for Nigeria, Rasheedat Ajibade play am well but Brazil goalkeeper Lorena catch di ball.

86’ Beta free kick wey Nigeria play land for Brazil goalkeeper Lorena hand as she dive punch di ball.

85’ Freekick for Nigeria afta Gani Portilho bring down Nigeria player.

84’ Nigeria no gree give up o, dem still dey attack Brazil.

80’ Deborah Abiodun of Nigeria get chance but she rush play so ball above di goal post.

80’ Game don kontinu, Nigeria don begin attack Brazil, throw-in for Nigeria.

79’ Referee stop match sake or injury wey Brazil player get.

75’ Substitution for Nigeria Nicola Payne don enta for Okeke.

73’ Freekick for Brazil But not in come out.

72’ Nigeria goalkeeper Chiamaka Nnadozie save goal attempt from Brazil.

70’ SAVE! Rasheedat Ajibade make beta goal attempt she fire shot wey land for Brazil goalkeeper Lorena hand bounce back, but di rebound go wide.

69’ Brazil dey use Nigeria shine for ball possession but di Super Falcons still dey hustle to get possession.

67’ Double substitution for Nigeria, Echegini don comot and Onumonu replace her, Toni Payne also comot for Uchenna Kanu to enta.

66’ Yaya wey get yellow card don comot for Ana Vitoria.

65’ Substitution for Brazil, Jheniffer done enta for Ludmila.

64’ Side netting! for Brazil

62’ Ludmila of Brazil make goal attempt but Nigeria defender Demehin clear di ball, corner kick for Brazil

60‘ Close! Martha of Brazil fire shot from di corner flank but e hit di post.

59’ Brazil still dey dominate possession.

57’ Nigeria get throw-in but e land for Brazil player leg, Brazil still hold di ball.

54’ Nigeria defender Okeke clear di ball from Brazil player wey dey run go Nigeria goal area.

52‘ Agabi Nunes of Brazilian bin wan score from a goal mouth scramble but Chiamaka catch di ball early.

51’ Long pass from Ludmila of Brazil buy Nigeria goalkeeper Chiamaka catch di ball without stress.

49’ Christy Ucheibe of Nigeria clear one goal threat from Brazil.

47’ Brazil don begin attack Nigeria now now but Nigeria goalkeeper Chiamaka Nnadozie come out quick to catch di ball.

46’ Substitution for Nigeria, Esther Okoronkwo don enta For Chinwendu Ihezuo.

46’ Referee don blow whistle to indicate di beginning of second half

First Half

45+9 First half don end.

45+9 Toni Payne of Nigeria make beta run fire shot from outside di box but e go over di post.

45+8 Martha of Brazil bin get chance but she fire di ball wide off di post.

45+ 45+4 Yasmin of Brazil play so corner kick but notin come out.

45+3 Corner kick for Brazil na Yasmin go play am.

45+2 Brazilian player complain to referee for posible penalty sake of hand ball but referee say no be handball.

45’ Referee add 7 minutes sake of di plenti injuries wey happening di match.

43’ Rasheedat Ajibade try to drive thru di middle towards di Brazilian goal area but dem no give her chance.

41’ Corner kick for Nigeria, Toni Payne play am but notin come out.

40’ Brazilian dey attack Nigeria defence but di defenders no dey give dem chance again.

36’ Substitution for Brazil, Tamires don comot sake of injury, Yasmin replace her.

Nigeria 0-1 Brazil

37’ GOAL for Brazil, Gabi Nunes fire shot wey beat Nigeria defender Chiamaka Nnadozie afta Martha pass ball give her.

33’ Ajibade of Nigeria carry di ball to di BrazilIan goal area but oda teammates no dey to give her support until dem bring her down. Cornet kick for Nigeria.

29’ Nigeria midfielder Christy Ucheibe foul Tamires of Brazil, referee blow foul, Tamires don dey okay now and match don kontinu.

27’ Yellow card for Brazilian player Yaya.

27’ Brazilian player Yaha make solo run to Nigeria goal area but Toni Payne clear di ball from her leg.

23’ Brazilian player Portilho dey down dey receiv treatment afta Nigeria player hit her by mistake. She done enta pitch back.

22’ Portilho of Brazi strike from di left post but e no enta net. Goal kick for Nigeria.

20’ Martha of Brazil fire shot as she make goal attempt but Nigeria goalkeeper Chiamaka Nnadozie catch di ball without stress.

20’ Na battle of midfield now as Nigeria and Brazil dey drag ball for di middle.

17’ Be like say Brazilian goalkeeper Lorena get injury from di stretch wey she do to save dis strikes but she dey fine now, game don kontinu.

15’ SAVE! Brazilian goalkeeper Lorena save two goal attempts from Nigeria. Rasheedat Ajibade strike and Christy Ucheibe strike.

13’ Rasheedat Ajibade of Nigeria beat two Brazilian defenders as she dey approach di goal area but dem bring her down.

12’ Alozie don stand up and game done kontinu.

10’ Nigeria Defebeer Michelle Alozie dey ground afta she intercept one ball from one Brazilian player.

9’ Throw-in for Nigeria but e land for Brazil player leg, Rasheedat intercept di ball.

7’ Nigeria captain Rasheedat Ajibade make one beta run for di flanks as she dey drive into di Brazilian defence but dem collect ball from her leg.

4’ Freekick to Brazil, dem play am but Nigeria defenders no let di ball disturb dem.

3’ Nigeria goalkeeper Chiamaka Nnadozie clear one ball.

1’ Referee Yu- Jeong from Korea don blow whistle and match don start.

Line ups

Nigeria starting 11: Nnadozie, Okeke, Ohale, Demehin, Alozie, Ucheibe, Abiodun, Ajibade, Echegini, Payne, Ihezuo

Brazil starting 11: Lorena, Tamires, Tarciane, Rafaelle Souza, Antônia, Marta, Duda Sampaio, Yayá, Ludmila, Gabi Portilho, Gabi Nunes