Awdl hen-ffasiwn ei dull oedd hon hyd yn oed ym 1930. Oni bai fod E. Prosser Rhys a Gwenallt wedi braenaru'r tir, efallai y byddai'r sôn am Fair Magdalen yn chwennych y Galilead yn gorfforol wedi achosi cynnwrf.

Y Goron

Testun. Arwrgerdd: 'Ben Bowen'
Enillydd: Gwilym Myrddin
Beirniaid: Gwylfa, Gwili, Ben Davies

Ymateb a sylwadau Alan Llwyd

Aethpwyd yn ôl i ganol y bedwaredd ganrif ar bymtheg trwy ofyn am Arwrgerdd, cam enfawr yn ôl i'r gorffennol wedi arbrofion chwyldroadol y dauddegau yng nghystadleuaeth y Goron. Ar ben hynny, yr oedd tri aelod o'r hen do, Beirdd Newydd diwedd y bedwaredd ganrif ar bymtheg a dechrau'r ugeinfed ganrif, yn beirniadu. Trychineb llwyr fu'r canlyniad. Gwobrwywyd arwrgerdd affwysol o wael gan gystadleuydd mynych ei wobrau yn adran farddoniaeth yr Eisteddfod yn y cyfnod. Colbiwyd y bryddest fuddugol a phwyllgor llên Llanelli gan W. J. Gruffydd yn Y Llenor a'r Western Mail.

Y Fedal Ryddiaith                    Sefydlwyd ym 1937
 
Tlws y Ddrama                         Cystadleuaeth gynhlaiwyd rhwng 1961 a 1993
 
Tlws y Cerddor                        Sefydlwyd ym 1990 
 
Llyfrau perthnasol

Dau lyfr Canrif o Brifwyl gan Alan Llwyd,Cyhoeddwyr, Barddas. Mis Awst 2000.