Home

Explore the BBC

MAWRTH
18fed Tachwedd 2014
Hygyrchedd
Geiriau Yn Unig


	A-Y \| Chwilota

	Newyddion Chwaraeon Y Tywydd



	BBC Homepage Cymru'r Byd

»	Canrif O Brifwyl 1900 - 1913 1914 - 1937 1938 - 1955 1956 - 1966 1967 - 1979 1980 - 1999 Radio a Teledu Ble ar y We Amserlen teledu Amserlen radio E-gardiau Arolwg 2001 Gwybodaeth Ymateb

Lleoliad yr Eisteddfod Bae Colwyn

Prif Ddigwyddiadau Hanesyddol

Gwladoli 1500 o lofeydd.
Gaeaf caled o luwchfeydd a rhew am saith wythnos yn gwaethygu'r sefyllfa ynghylch prinder tanwydd.
Y Llywodraeth yn gorfod cyflwyno mesurau llym.
Rhagor o ddogni, dim ond gwerth swllt (5c) o gig ffres i bob person yr wythnos.
India a Pacistan yn eu llywodraethu eu hunain wedi 163 blynedd o reolaeth Brydeinig.
Blwyddyn gyntaf Eisteddfod Ryngwladol Llangollen.
Yr ysgol Gymraeg gyntaf dan awdurdod lleol yn agor yn Llanelli.
Cyhuddo 10 o ysgrifenwyr a chynhyrchwyr Hollywood o fod yn gomiwnyddion, a'u hesgymuno o'r herwydd.
Y Dywysoges Elizabeth a Dug Caeredin yn priodi.

Archdderwydd Wil Ifan

Y Gadair

Testun. Awdl: 'Maelgwn Gwynedd' neu 'Y Porthladdoedd Prydferth'
Enillydd: John Eilian
Beirniaid: Cynan, William Morris, J. Lloyd Jones (ni fedrodd J. Lloyd Jones gyflawni ei waith fel beirniad oherwydd gwaeledd).
Cerddi eraill: Y pedwar bardd gorau yn y gystadleuaeth oedd E. Llwyd Williams, Dewi Emrys, Rolant o Fôn a J. T. Jones (John Eilian).

Ymateb a sylwadau Alan Llwyd:

Awdl ar fesur 'Madog' T. Gwynn Jones, ac awdl a oedd hefyd yn drwm dan ddylanwad Gwynn Jones yn gyffredinol. Er ei bod wedi ei lleoli yng nghyfnod Maelgwn Gwynedd, yn y chweched ganrif, 'roedd iddi hi neges amserol iawn, sef dyfodol ysbrydol a diwylliannol Cymru ar ôl blynyddoedd barbaraidd yr Ail Ryfel Byd. Mae hi'n pregethu cyfrifoldeb a gwir ymroddgarwch o safbwynt amddiffyn y Dreftadaeth Gymreig yn un peth, ac mae hi hefyd yn cyffwrdd ag un o ddaleuon mawr cyfnod yr Ail Ryfel Byd, sef y ddadl Militariaeth v Heddychaeth.

Y Goron

Testun. Pryddest: 'Jonah' neu 'Glyn y Groes'
Enillydd: G. J. Roberts
Beirniaid: Wil Ifan, Thomas Parry, Gwilym R. Jones
Cerddi eraill: Un o'r pryddestwyr aflwyddiannus oedd Rhydwen Williams, Prifardd coronog y flwyddyn flaenorol.

Ymateb a sylwadau Alan Llwyd:

Pryddest gyffredin iawn.

Y Fedal Ryddiaith

Penderfynwyd ei dyfarnu ym 1948 am waith rhyddiaith gorau'r blynyddoedd 1945 a 1947.

Tlws y Ddrama

Drama Hir
Enillydd: Plas Madog

Tlws y Cerddor Sefydlwyd ym 1990

Llyfrau perthnasol

Dau lyfr Canrif o Brifwyl gan Alan Llwyd,Cyhoeddwyr, Barddas. Mis Awst 2000.

About the BBC | Help | Terms of Use | Privacy & Cookies Policy

Trending Now