Ibyo wamenya kuri Chuck Norris 'ikirango cy'imbaraga' mu busore no mu busaza

Inyandiko gusa
Chuck Norris

Ahavuye isanamu, Social media

Igihe co gusoma: iminota 3

Itangazo ry'umuryango we rivuga ko "Ku [bandi] ku isi, yari umuhanga mu mikino njyarugamba, umukinnyi wa filimi, n'ikimenyetso cy'imbaraga.

"Kuri twe, yari umugabo w'umutima, umubyeyi ukunda, wuzukuruje, umuvandimwe w'igitangaza, n'umutima w'umuryango wacu."

Kugeza no mu myaka yari arimo Norris yakundaga kwerekana ko agikora imyitozo ngororamubiri kandi ubusaza butabaye inzitizi zo gukomeza ubuzima bufite imbaraga z'umubiri.

Carlos Ray Norris yavukiye i Oklahoma mu 1940, ajya mu gisirikare kirwanira mu kirere cya Amerika atarageza imyaka 20.

Ubwo yari mu butumwa bw'ingabo muri Korea y'Epfo, Norris ni ho yatangiriye kwitoza imikino njyarugamba.

Yaje kugera ku mukandara w'umukara ndetse atwara amarushanwa atandukanye ya Karate mu myaka ya za 1960.

Mu ntangiriro z'imyaka ya 1970 nibwo yatangiye gukina filimi za 'action' nyuma yo guhura n'icyamamare Bruce Lee bakinanye muri filimi yakunzwe mu myaka yashize ya Way Of The Dragon(1972).

"Ndashaka kwica 'champion' w'isi"

Filimi ye na Bruce Lee (iburyo) iri mu zakunzwe cyane mu myaka ya za 80 na 90

Ahavuye isanamu, Getty Images

Insiguro y'isanamu, Filimi ye na Bruce Lee (iburyo) iri mu zakunzwe cyane mu myaka ya za 80 na 90

Mu kiganiro n'ikinyamakuru Combat Culture, Norris yasobanuye ko: "Icyo gihe nari uwa mbere ku isi maze mu gutebya mbwira Bruce nti, 'None Bruce, ni inde utsinda?"

Skip Ibisomwa cane and continue reading
Ibisomwa cane

End of Ibisomwa cane

"Maze aravuga ngo 'Ndatsinda, ni njye mukinnyi w'ibanze w'iyi filimi'. Ndavuga nti 'Oh, urashaka gukubita 'champion' w'isi? Aravuga ngo, 'Hoya si ibyo nshaka, ndashaka kwica 'champion' w'isi'."

Bruce Lee yapfuye umwaka umwe gusa nyuma y'uko iyo filimi yabo isohotse.

Norris yakomeje gukina izindi filimi mu myaka ya 1980 nka Missing In Action, Delta Force na Code of Silence, n'ibiganiro bya TV nka Walker, Texas Ranger.

Filimi ikomeye ya nyuma yabonetsemo ni The Expendables 2 irimo ibindi byamamare byakanyujijeho nka Jason Statham, Jet Li, Dolph Lundgren, Terry Crews, Jean-Claude Van Damme, Bruce Willis, na Arnold Schwarzenegger.

Nubwo yakinnye filimi nyinshi za 'action' yanabonetse mu guteza imbere 'documentary' yiswe Pumping Iron II: The Women mu 1985

Ahavuye isanamu, Sygma via Getty Images

Insiguro y'isanamu, Nubwo yakinnye filimi nyinshi za 'action' yanabonetse mu guteza imbere 'documentary' yiswe Pumping Iron II: The Women mu 1985

Nyuma y'imyaka irenga 20 ashakanye na Dianne Holechek batandukanye mu 1988, mu 1998 yongeye gushaka ashyingiranwa na Gena O'kelley nawe wahoze ari umukinnyi wa filimi n'umurikamideli.

Chuck Norris afite abana bose hamwe batanu, barimo impanga yabyaranye na Gena mu 2001.

Umwana we mukuru ni Mike Norris w'imyaka 63. Mu 2004 yamenye undi mukobwa yabyaye witwa Dina, wamwibwiye agize imyaka 26.

Norris yari azwi nk'umugabo ushyigikira politike ikomeye ku mahame ya cyera, aha yari mu bikorwa bye byo kurwanya ibiyobyabwenge mu mashuri muri Houston, Texas, ibikorwa yaje gushyigikirwamo na Perezida George Bush

Ahavuye isanamu, AP

Insiguro y'isanamu, Norris yari azwi nk'umugabo ushyigikira politike ikomeye ku mahame ya cyera, aha yari mu bikorwa bye byo kurwanya ibiyobyabwenge mu mashuri muri Houston, Texas, ibikorwa yaje gushyigikirwamo na Perezida George Bush
Chuck n'imfura ye Mike Norris

Ahavuye isanamu, Facebook

Insiguro y'isanamu, Chuck n'imfura ye Mike Norris
Norris yashyingiranwe na Gena O'Kelley mu 1998, nyuma yo gutana n'umugore we wa mbere Dianne Holecheck mu 1988

Ahavuye isanamu, Getty Images

Insiguro y'isanamu, Norris yashyingiranwe na Gena O'Kelley mu 1998, nyuma yo gutana n'umugore we wa mbere Dianne Holecheck mu 1988