Beth yw dy hoff beth yn y byd i gyd? Traethau Gogledd Cymru! A mae siocled yn dilyn yn agos iawn yn ail!

Pwy yw dy hoff berson/dy ffrind gorau? Mae hwn yn gwestiwn ofnadwy o anodd i mi ateb, gan fy mod i'n caru fy ffrindiau i gyd 'run peth. Ac maent i gyd yn werth y byd i mi, ac mae'n amhosib i mi ddewis un!

Beth sy'n dy wneud di'n hapus? Er bod hyn yn gwneud i mi ymddangos yn berson arwynebol, mae'n rhaid i mi gyfaddef bod siopio, yn enwedig am ddillad, yn fy ngwneud i'n hapus! Un o'r pethau eraill sy'n fy ngwneud i'n hapus yw mynd allan hefo fy ffrindiau! Hefyd, mynd i bartis a chymdeithasu gan fy mod i wrth fy modd cwrdd â phobl newydd!

Beth sy'n dy wneud di'n flin? Pobl sydd yn amharchu'r byd, ac yn trin y strydoedd, traethau a'r caeau i gyd fel dymp sbwriel. Hefyd fy nghyfrifiadur anobeithiol. Mae mor hen ffasiwn ac yn cymryd oriau i wneud rhywbeth syml!

Beth yw dy hoff liw? 'Turquoise' - dwi'n ei hoffi cymaint nes bod fy ffrindiau yn adnabod y lliw yna fel 'lliw Olwen.'

Beth sy'n dy gyffroi di? Syrffio! Gan fy mod i'n caru'r môr!

Beth wyt ti eisiau gwneud pan ti'n hŷn? Mae gen i restr hir o bethau dwi eisiau gwneud pan dwi'n hŷn, ac mae'n ofnadwy o anodd i mi ddewis un peth! Mewn byd perffaith buaswn wrth fy modd yn gwneud bywoliaeth fel actores neu gyflwynydd. Ond dwi'n deall bod hi'n anodd iawn i fod yn llwyddiannus yn y maes yna ac ennill digon o bres i fyw yn gyffyrddus am weddill fy mywyd. Felly, mae'n debygol fydda i'n gweithio yn y maes gwyddonol, un ai yn yr ochr meddygol neu amylcheddol.

Ble mae dy hoff le? Heb amheaeth, fy hoff le yw traethau Gogledd Cymru ac o dan y môr (os mae hynny'n cyfri!)

Beth sydd yn dy fag? Ffôn symudol - dwi'n teimlo'n noeth hebddo! Brwsh gwallt a drych. Camera - mae gen i obsesiwn gyda tynnu lluniau, dwi'n dod ag un bron bob man dwi'n mynd! Pres, 'goriad tŷ, ac amserlen bws. Gan fy mod i'n byw mor bell i ffwrdd o fy holl ffrindiau mae rhaid i mi ddibynnu llawer ar y bws.

Beth yw'r peth gorau amdanat ti? Ymm..wel..dwi'n berson cyfeillgar iawn a dwi'n llawn o syniadau gwahanol.

Hollie (Ollie Girls), 17
Hello Ol! Sut wyt ti? Sut mae'r surfio yn mynd? Ydych chi wedi gwylio yr sioe eto? Sut ydy'r chweched yn mynd?Hol xxxx