Oríṣun àwòrán, Cable News
Wọnyi ni awọn dukia ti Alao-Akala fi silẹ ati ibi ti wọn wa:
- Ile kan lopopona 1, Oba Akinyele Avenue, off Rotimi Williams Street, Old Bodija Estate, Ibadan
- Ile itura nla kan lorilẹede Ghana
- Ile nla kan lagbegbe Randa, l'Ogbomoso
- Dukia kan ni Opadoyin Lodge, Ogbomoso
- Ile kan ni opopona 32, Oba Adebimpe Road, Ile Itesiwaju, Dugbe, Ibadan
- Dukia kan ni opopona 8, Samora Machel Street, Asokoro, Abuja
- Dukia kan ni Games Village, Abuja
- Ile duplex meji ni Ikeja, Lagos
- Dukia kan ni opopona 4, George Street, Ikoyi, Lagos
- Ile Duplex lagbege Iponri Barracks, Surulere, Lagos
- Ilẹ ni Water Corporation Drive, Oniru, Lagos
- Ile igbalejo ni Agodi GRA, Ibadan
- Ilẹ pilọọti mẹrin, Aerodrome GRA, Samonda, Ibadan
- Sare ilẹ 7,000 lagbegbe Ibadan Golf Club
- Dukia kan ni opopona 29, Osuntokun Avenue, Bodija Estate, Ibadan
- Ile nla kan ni Cele Bus Stop, Ologuneru, Ibadan
- Dukia ni Old UAC Building, Dugbe, Ibadan
- Ile igbalejo ni YOACO, Ogbomoso
- Destiny House, Oremeji, Mokola, Ibadan
- Destiny House, Ogbomoso
- Deborah House, Sabo, Ogbomoso
- Ile ori oke ni Starlight, Ogbomoso
- Ile epo Eternal Mega, Ogbomoso
- Ile epo TDB, Ogbomoso
- Ile kan lẹgbẹẹ ile epo Eternal, Ogbomoso
- Ile epo NIPCO lẹgbẹẹ A.K. Bello, Ogbomoso
- TDB Gas Plant, Aroje, Ogbomoso
- Ilẹ to kọju si LAUTECH, Ogbomoso
- Parrot FM, Oke Bebi, Ogbomoso
- Ile ikẹru si ati oko l'Ogbomoso
- Ilẹ ni GRA, Ogbomoso
- Dukia lopopona 140-23 160th Street, Jamaica, Queens, New York, USA
- Dukia lopopona 19 San Juan Drive, Chafford Hundred, Grays, Essex, England
- Ẹgbẹrun kan sare oko ni Ikoyi, Ogbomoso
- Olowolagba Microfinance Bank
Ohun tí a mọ̀ nípa ẹjọ́ lórí àwọn dúkìá Alao-Akala ní Naijiria, Ghana, UK àti l'Amẹrika tí ẹbí ń jà lé lórí
Ariyanjiyan lori awọn awọn dukia Gomina ipinlẹ Oyo tẹlẹ ri, Otunba Adebayo Alao-Akala, ti jẹ ki araalu mọ nipa awọn dukia ti oloogbe fi silẹ lọ.
Eyi waye lẹyin ti Oluwatoyin Alao Aderinto to jẹ ọmọbinrin akọkọ Alao-Akala gbe ọrọ dukia naa lọ si ile ẹjọ giga kan nipinlẹ Oyo.
Nibi igbẹjọ naa ni o ti han sita pe gomina ipinlẹ Oyo tẹlẹ ri naa ni dukia niluu Eko, Ibadan, Abuja, bakan naa ni o tun ni dukia lorilẹede UK, Amẹrika to fi mọ orilẹede Ghana pẹlu.
Aderinto rọ ile ẹjọ lati dasi pinpin awọn dukia ti Alao-Akala fi silẹ fun ẹbi rẹ.
Lara awọn olujẹjọ ni Arabinrin Oluwakemi Alao-Akala, aya oloogbe ati Olamide Alabi, ọmọbinrin oloogbe.
Arabinrin Aderinto sọ fun ileẹjọ wi pe oun naa ni ẹtọ si gbogbo dukia ti Alao-Akala fi silẹ gẹgẹ bii ọmọbirin akọkọ fun oloogbe.
Aderinto tun sọ fun ile ẹjọ wi pe awọn kan ti ta diẹ ninu awọn dukia ọhun lai jẹ ki oun mọ, ati pe wọn tun n gbiyanju lati ta awọn miran lọwọ lọwọ.
O ni oun gba ile ẹjọ lọ lati le dawọn to n ta dukia naa lọwọ kọ ati lati le ri ogun toun naa gba.
Lẹyin naa ni ile ẹjọ paṣẹ wi pe Oluwakemi ati Alabi ko gbọdọ ta ninu dukia naa mọ titi ti igbẹjọ naa yoo fi pari
Oluwatoyin so fun ile ẹjọ wi pe ko paṣẹ ayẹwo DNA foun atawọn gbogbo ọmọ Alao-Akala
Olupẹjọ tun so fun ile ẹjọ wi pe ko paṣẹ ayẹwo DNA foun atawọn mẹfa mii to fi mọ Olamide, Adebukola, Olamipo, Olamiju (to jẹ ọmọ ile aṣoju-ṣofin l'Abuja bayii), Tabitha, ati Olamikunle lati le fidi rẹ mulẹ wi pe loootọ lawọn jẹ ọmọ Alao-Akala.
O tun sọ fun ile ẹjọ wi pe oun fẹ ki ayẹwo DNA naa waye nibi ti ile ẹjọ fọwọ si.
Aderinto tun rọ ile ẹjọ lati paṣẹ wi pe ki wọn hu oku baba oun lati fi ṣe ayẹwo DNA naa fun gbogbo awọn ọmọ.
Adajọ ti sun igbẹjọ naa si ọjọ kẹrindinlogun oṣu Kẹrin ọdun yii.
Lọjọ kejila oṣu Kinni ọdun 2022 ni Alao-Akala jade laye lẹni ọdun mọkanlelaadọrin niluu Ogbomoso.
Lati igba ti o ti ku si ni ẹjọ ti n waye laarin awọn ẹbi rẹ lori pinpin ogun to fi silẹ lọ.
